Xavier : Estudante sira tenki tau Nasionalismu iha Fuan Laran

Xavier : Estudante sira tenki tau Nasionalismu iha Fuan Laran

Dili- Francisco xavier do Amaral nu’udar Proklamador Repúblika Demokratika Timor Leste.husu ba timor oan tomak,inklui estudante sira tenki kuda nasionalismu no patrionismu iha sira nia laran hodi nune’e bele lori nasaun ida ne’e ba oin no forte.
Xavier dehan ho nasionalismu mak luta ba indepedensia TL hahú tempu uluk no ikus mai hetan duni mehi ne’ebé timor oan hotu luta.
nia hakarak timor oan estudante no joventudi tau espiritu nasionalismu no patriotismu iha sira nia fuan tanbá estudante mak futuru nasaun Timor Leste nian.dehan Xavier bainhira sai orador iha seminariu ida iha Fakuldade Siensia Politíka(UNTL) kona-ba”Nasaun ho Nasionalismu ho sub topiku oinsá Timor oan sira hahú luta kontra kolonialismu nia ukun iha TL.
nia mós hatete iha prinsipiu nasionalismu nian laiha diskriminasaun entre ema,hanesan buat ne’ebé mak liu iha tempu pasadu.ho nasionalismu Timor oan sira bele liberta sira nia an husi kolonialismu,dehan nia.
sira mós hahú kontra kolonialismu nia ukun laos buka osan,buka titilu,maibé tanbá sira iha espiritu nasionalismu hakarak liberta timor oan husi nakukun ba naroman katak loron ida timor oan bele ukun rasik an,”nia relembra fali”
iha tempu agora,maske Timor Leste ukun an tia ona maibé ema liur mai nafatin hodi hanehan timor oan sira.
nia mós fó korezan ba estudante sira katak sira mak sei lori TL ba oin nune’e nia husu ba estudante sira tau espiritu nasionalismu iha imi nia fuan no imi nia laran.no tau nasaun hanesan imi nia nasionalista hanesan imi nia fuan ita kontra kolonialismu tanbá sira la konsedera ita tanbá kolonialismu nia ukun ne’e nunka bele diak.hatete Xavier.
iha fatin hanesan dekanu FASPOL Martinho Pereira,hatete iha fakuldade de Siensia Sosiál Politíka ne’e iha mós programa kona-ba nasaun nasionalismu ne’ebé maka hanorin ba estudante sira. Iha fatin hanesan Martinhu Pereira,Dekanu Faspol hatete katak iha Fakuldade Siensia Sosiál Politíka ne’e iha mós Mata kuliah/materia ida kona-ba nasaun no nasionalismu ne’ebé mak hanorin ba estudante sira.
Tanbá Faspol ne’e iha duni materia ida ho naran ho nasaun no nasionalisme nemak ami bolu ita nia Proklamador RDTL sr.Francisco Xavier do Amaral atu mai esklarese netik buat ruma kona-ba prosesu nasional no nasionalismu ba ukun an ida nian iha Timor-Leste,tempu okupasaun kolonialismu nian.atu nune’e estudante sir abele hatene liutan tanbá dala barak sira le’e deit livru no rona ema seluk konta.”dehan Pereira”
Nune’e mós dosente programa materia nasaun no na sionalinananasionalisme,Natalino de Jesus Gusmão Soares.M.sc,dehan katak objetivu halo dialogu ne’e konvida autor prinsipal sira husi 74 sae mai ne’ebé hahú kontra kolonialismu nia ukun hodi fahe esperensia luta,liliu ba jerasaun sira ne’ebé mak moris ikus hanesan ba estudante sira tanbá sira ladun apar didiak ho prosesu luta ne’e hodi rona diretamente autor sira nia esperensia ba luta ida ne’e.”dehan Natalinu”
Entertantu Patricio Matus da Costa hanesan estudante husi Faspol hatete katak,nu’udar estudante universitariu,nia hakarak rona diretamente husi autor nasionalismu sira nia ibun kona-ba luta ne’ebé sira halo kontra kolonialismu sira nia ukun nune’e bele fó espiritu nasionalista nian.”katak da Costa”.
(YliS)