TL Implementa Re-Izame
"Ida Ne’e Governu Nia Kna’ar"

ili-vise Ministru Eduksaun Paulo Assis Belo informa katak,Timor Leste (TL) implementa sistema re-izame hanesan Governu(ME) nia kna’ar atu hare rezultadu hodi nune’e fó oportunidade ba estudantes reprovadu.
Paulo Assis hatete lia hirak ne’e iha nia servisu fatin Ministeriu Eduksaun Vila-verde Dili (9/9).hodi hatan ba membru Parlamentu Nasionál (PN) balun ne’ebé mak la simu desizaun Governu,liu husi Ministeriu Edukasaun(ME) relasiona ho rezultadu ezame nasionál ne’ebé mak fó sai.
Re-izame ne’ebé sira hanoin fó impaktu ba estudante sira nia hanoin,impaktu ba negativu ou positivu ne’e ha’u la hatene,so deit kna’ar Ministeriu Eduksaun halo izame repete,kuantu mais iha reforma ida nia laran,nune’e ita implementa sistema ida foun ho nia rezultadu bele fó tan opurtunidade ba estudante sira tambá deit tambá deit implementasaun reforma."dehan Paulo Assis"
Nune’e mós nia hatete TL agora dadauk implementa reforma Nim,no uluk uza valor P & Q,maibé tinan ne’e no ba futuru uza valor Q deit ou valor Nim hodi hasa’e kualidade estudantes iha futuru.
Ita hakarak hare deit sira nia domina ba material liliu iha Nim ne’e,maibé estudante balun nia valor diak no balun mós la’e,Nia hatete katak iha nivel nasionál lakon deit 20% tambá ne’e governu fó reizame ba estudante. ."tenik nia"
Paulo Assis realsa,iha futuru governu sei la fó reizame ba estudante reprovadu so deit tinan ne’e mak governu fó opurtunidade par abele repete izame,wainhira iha reizame ne’e mós la pasa mak hein iha ba tinan oin.
Rezultadu ne’e hanesan mensagen bo’ot ida tambá estudante sira iha foho rezultadu diak,so iha kapital Dili mak nia rezultadu balun ladun diak no ita tenki hadia buat balun.
Nune’e nia mós husu ba Professores tenki halo reflesaun no Ministeriu mós tenki halo reflesaun ituan oinsá mak bele servisu didiak para alunus sira iha kualidade diak.
Nia hatete,estudantes sira iha loron hirak liubá halo demonstrasaun hato’o problemas importantes para inspektor,Direktor Regionais sir abele loke matan,para halo esprevizaun ho didiak.
Nia informa katak, mestri no mestra ne’ebé mak lakohi servisu diak liu tenki hasai,selae mestri no mestra sira sakrifisia labarik sira,hein tama oras ida,hakerek buat ruma iha kuadru fila ona,entaun buat hirak ne’e ladiak ba alunus sira.
Kapasitasaun ba mestri no mestra sira importante,ita hotu hatene katak ita nia mestri no mestra sira ne’e 75-85 % kualifiksaun ladun diak,ladun diak la’os ME duni sai hotu sira,tambá sira mak terus iha 2000 to’o tinan ne’e,hanorin alunus sira ne’e ho koñesimentu sira nia,sira mak augenta nasaun ne’e to’o iha ne’e,ita tenki augenta bebeik sira nia kapasitasaun para sir abele hanorin ho diak,mestri no mestra sira hanorin ho diak no sei tuir kursu iha fulan outombru to’o dezembru nia laran."dehan Paulo Assis"(SilY)